156             MEMOIRES DE PIERRELE LESTOILE.
la fidélité de Bussi Le Glere, que lesdits Seize adoroient, et tenoient entr'eux comme un grand prophète.
Le lundi vingtième dudit mois de may, s'esleva un faux bruit à Paris de la mort du duc d'Esparnon, blessé devant le chasteau de Pierrefonds. M. de Belin et les princesses asseuroient ceste mort, et disoient en avoir eu certain advis. Mais les nouvelles arrivées sur ces entrefaites de la prise de Dourdan par le Roy, on jugea' -incontinent ce bruit semé à dessain pour une de nos emplastres ordinaires. Car à peu de jours de là d'Es­parnon resuscita à Paris, et ceste grande mort devinst une esgratignure.
Le mardy 21 may, le conseiller Maschaut, nouveau capitaine du quartier Saint-JEustace à Paris, esleu par les Seize ses compagnons, et establi par M. de Belin contre le gré et consentement de ceux du quartier et de la dixaine, ayant esté mesme contraint de bailler son ensetngne à son clerc, pour ce qu'il ne se trouva jamais personne qui la voulust recevoir de sa main, donna deux soufflets en plaine procession à la femme d'un esguilletier demourante prés la croix du Tirouer, et l'envoya prisonniere comme heretique et politique, pour ce qu'elle parloit contre Ies voleurs et larrons, et se moquant des soldats du capitaine Jacques qui re-venoient de Dourdan, avoit dit fcm'il-s ne sçavoient faire autre chose que manger et piller le bon homme, , et rendre les villes à l'ennemi au lieu de les deffendre; qu'elle eust voulu que tous les larrons qui leur ressem-bloient et qui estoient à Paris, qui la faisoient mourir de faim avec tant d'autre pauvre peuple, eussent esté pendus. « A la charge que le Bearnois y dust entrer « dés demain, disoit-elle, je fournirois de bon cœur les
Digitized by Google